ಯುಗಾದಿ

ಯುಗಾದಿಯ ದಿನ ಎರಡು  ಪುಟ್ಟ ಕವಿತೆಗಳು:





ಹಗಲು ಹೆಚ್ಚುತ ಹೋಗುತಿರುವುದು
ಚಿಗುರು ಎಲ್ಲೆಡೆ ಕಾಣುತಿರುವುದು
ಮುಗಿಲ ಕೆಳೆಯನು ಮರೆತ ಬಾನಿನ ಚೆಲುವು ಹೆಚ್ಚಿಹುದು |
ಮಿಗಿಲು ಬಿರಿದಿಹ ಹೂಗಳೆಲ್ಲೆಡೆ
ನಗುತ ಕಂಪನು ಸೂಸಿ ನಲಿದಿರೆ
ಹಗುರವೆನಿಸದೆ ಮನವು ವರುಷದ ಮೊದಲ ದಿನದಂದು || 1||








ಚಂದದಾ ಕುಡಿಮೇಲಿನಿಬ್ಬನಿ
ಬಿಂದುಗಳ ಸಾಲಂತೆ ಮನದಲಿ
ನಿಂದ ಬಯಕೆಗಳೆಲ್ಲ ಚಿಗುರುತ ಹಣ್ಣ ನೀಡಿರಲಿ |
ಬಂದಿಹುದು ಶೃಂಗಾರ ಮಾಸವು
ನಂದನದ ವತ್ಸರದ ಹೆಸರಲಿ
ತಂದು ಕೊಡಲಿ ತುಂಬು ಹರುಷವ ಸುಜನರೆಲ್ಲರಿಗು ||2||

-ಹಂಸಾನಂದಿ





Popular posts from this blog

ಮೂಡಲ್ಕುಣಿಗಲ್ಕೆರೆ ನೋಡೋಕೊಂದೈಬೋಗ!

ಪತ್ರಿಕೆ, ಅಂಕಣಕಾರರು, ಭಗವದ್ಗೀತೆ ಮತ್ತು ಸತ್ಯಗಳು

ನಿಮ್ಮ ರಾಶಿ ಫಲ ನಿಮ್ಮದೇ ? ಅಲ್ಲವೇ?