Posts

Showing posts from February, 2013

ಚೆಲುವನ ಸೆಳೆತ

Image
ಮೆಲುನಗೆಯ ಸವಿಸೊದೆಯಲೆಸೆವಂಥ ಮುಖಕಮಲ
ಚೆಲುವಾದ ನವಿಲುಗರಿ ಸಿಂಗರದ ಕುರುಳು
ಬಲುನಂಜು ವಿಷಯಸುಖದಲಿ ನೆಟ್ಟ ಮನವನ್ನು
ನಿಲಿಸಿತೈ  ಪೊಳೆವಗಣ್ಣನಲೀಗ ಬಿಡದೆ!


ಸಂಸ್ಕೃತ ಮೂಲ (ಲೀಲಾಶುಕನ ಕೃಷ್ಣಕರ್ಣಾಮೃತ, ಆಶ್ವಾಸ - ಪದ್ಯ ೫) :

ಮಧುರತರ ಸ್ಮಿತಾಮೃತವಿಮುಗ್ಧ ಮುಖಾಂಬುರುಹಂ
ಮದಶಿಖಿ ಪಿಂಛಲಾಂಛಿತ ಮನೋಜ್ಞ ಕಚಪ್ರಚಯಮ್ |
ವಿಷಯವಿಷಾಮಿಷಗ್ರಸನದಗೃಧ್ನುಷಿ ಚೇತಸಿ ಮೇ
ವಿಪುಲವಿಲೋಚನಂ ಕಿಮಪಿ ಧಾಮ ಚಕಾಸ್ತಿ ಚಿರಮ್ ||


-ಹಂಸಾನಂದಿ

ಕೊ: ಆದಷ್ಟೂ ಮೂಲದ ಭಾವವನ್ನು ಹಿಡಿದಿಡಲು ಯತ್ನಿಸಿದ್ದರೂ, ಪೂರ್ತಿ ಯಶಸ್ವಿಯಾಗಿರುವೆನೆಂದು ಹೇಳಲಾಗದು!


ಕೊ.ಕೊ: ಸೊದೆ = ಸುಧೆ, ಅಮೃತ

ಚಿತ್ರ ಕೃಪೆ: ಕಲಾವಿದ ಶ್ರೀ ಕೇಶವ್ ವೆಂಕಟರಾಘವನ್ - ಅವರ ಈ ಚಿತ್ರವನ್ನು ನೋಡಿದಾಗ, ಅದಕ್ಕೆ ಹೊಂದುವಂತಹ ಪದ್ಯವೇ ಬೇಕೆಂದು ಹುಡುಕಿ ಮಾಡಿದ ಅನುವಾದವಿದು.

ಮರುಳು

Image
ಚಿಣ್ಣನಾ ಮುಂಗುರುಳು ಸೆಣಸಿರಲು ಮುದದಿಂದ
ಬಣ್ಣಬಣ್ಣದ ನವಿಲ ಗರಿಯ ಕೂಡೆ
ಕಣ್ಣನೆವೆಯಿಕ್ಕದೆಲೆ ನೋಡುತ್ತ ಬಗೆಗೊಂಡು
ಸಣ್ಣವನ ಗೀಳಿನಲೆ ಮರುಳಾದೆನು!

ಸಂಸ್ಕೃತ ಮೂಲ  ( ವೇದಾಂತ ದೇಶಿಕರ ಗೋಪಾಲ ವಿಂಶತಿಯ ಹತ್ತನೇ ಪದ್ಯ ) :


ಅನಿಮೇಷ ನಿಷೇವಣೀಯಮಕ್ಷ್ಣೋಃ
ಅಜಹತ್ಯೌವನಮವಿರಸ್ತು ಚಿತ್ತೇ |
ಕಲಹಾಯಿತ ಕುಂತಲಂ ಕಲಾಪೈಃ
ಕರಣೋನ್ಮಾದಕ ವಿಭ್ರಮಂ ಮಹೋ ಮೇ ||

-ಹಂಸಾನಂದಿ

ಚಿತ್ರಕೃಪೆ: ’ದ ಹಿಂದೂ’ ದಿನಪತ್ರಿಕೆಯ ವ್ಯಂಗ್ಯಚಿತ್ರ ಕಲಾವಿದ ಶ್ರೀ ಕೇಶವ್ ವೆಂಕಟರಾಘವನ್