ನೀರೆಯ ಸೀರೆ


ಸೀರೆಯದುವೇ ನಿಖಿಲಜಗಕಾ
ಧಾರವದುವೇ ಕೇಳು ಜಗ ನಿ
-ಸ್ಸಾರವಹುದೈ ಸೀರೆಯುಟ್ಟಿಹ ನೀರೆಯಿಲ್ಲದಿರೆ|
ನಾರಿ ತನ್ನಯ ಸೊಬಗ ಮುದದಲಿ
ತೋರುವಳು ತಾ ಬಣ್ಣ ಬಣ್ನದ
ಚಾರು ಚಿತ್ರದ ಪಟ್ಟೆಸೀರೆಗಳುಟ್ಟು ಸಂತಸದಿ ||



-ಹಂಸಾನಂದಿ

ಕೊ: ಇದು ಫೇಸ್ ಬುಕ್ ಕಳೆದ ವರ್ಷ ಇದೇ ದಿನದಂದು, ಗೆಳೆಯರೊಬ್ಬರ ಬರಹಕ್ಕೆ ನಾನು ಟಿಪ್ಪಣಿಸಿದ್ದರ ಫಲ. ಜೈ ಮಾರ್ಕ್ ಜ಼ುಕರ್ಬರ್ಗ್!

ಕೊ.ಕೊ:  ಛಂದೋಬದ್ಧ ಪದ್ಯವನ್ನ,  ಶೈಲಿ ಹಳೆಯದಾದರೂ, ಯಾವ ವಿಷಯದ ಬಗ್ಗೆಯೂ ಬರೆಯಬಹುದು ಅಂತ ಮಾತಾಡುತ್ತಿದ್ದಾಗ, ಸೀರೆಯ ಬಗ್ಗೆ ಒಂದು ಪದ್ಯ ಬರೆಯಲು ಗೆಳೆಯರು ಹೇಳಿದಾಗ ಬರೆದಿದ್ದಿದು. ಸಾಮಾನ್ಯವಾಗಿ, ಸಮಯದ ಮಿತಿಯೊಳಗೆ, ಕೇಳಿದ ವಿಷಯದ ಬಗ್ಗೆ ಪದ್ಯವನ್ನು ಬರೆಯುವುದಕ್ಕೆ ಆಶುಕವಿತೆ ಎಂದು ಹೆಸರು.

ಕೊ.ಕೊ.ಕೊ: ಪದ್ಯವು, ಭಾಮಿನೀ ಎಂಬ ಷಟ್ಪದಿಯಲ್ಲಿದೆ. ಭಾಮಿನೀ ಷಟ್ಪದಿಯನ್ನು ಭಾಮಿನಿಯುಟ್ಟ ಸೀರೆಯನ್ನು ಬಣ್ಣಿಸಲು ಬಳಸಿದ್ದು ಕೇವಲ ಕಾಕತಾಳೀಯ

ಚಿತ್ರ ಕೃಪೆ: ನಲ್ಲಿ ಸಿಲ್ಕ್ಸ್  ನ ಜಾಹೀರಾತಿನಿಂದ